كان زمان كلمات محمد مدحت عبد الرؤف
مر علينا الزمن
كان حِدانا فى الريف ...
براح و البيت ريحـه خفيف ...
و كان فى المنـدرة
نستقبل الحبيب و الضيف ...
و بالترحاب نلاقيه
بكل بساطة و تلطيف ...
و موائد كان يملؤها الفطاير
و حمام و أصناف بارد و حريف ...
و نِحبس بشاى و قهـوة
و راكية نار و شيشة لزوم الكيف ...
و على الحمـار نركـب
و فى الغيط نلفلف لفيـف ...
و كمان نزور القرايب و الحبايب
حسين و محمد و عوضين و شريف ...
نقعد معاهم قاعدة صفــا
يجمعنا بالمحبة نتقاسم الملـح ويا الرغيـف ...
و كانت الحياة رايقة
دون تعقيــد و لا كثير مصاريـف ...
تجمعنا لمَّـة حلوة و نفوس صافية
مهذبة و ضحكات مع بعض التخاريف ...
و الأكل بينا كان له معنى
و كان الحق على رقابنا كالسيف ...
ما اجمل المودة الصادقة
و فى قلوبنا الوفاء لا خوف و لا تخويف ...
و لا كان الفراق يبعدنا
إن كان فى شتا أو صيف ...
و فى الجناين كنَّـا زهور الربيـع
و فى الغيطـان خضرة قبل الخريف ...
بقلم .. محمد مدحت عبد الرؤف
Mohamed Medhat
Commentaires
Enregistrer un commentaire