قلبي الطيب كلمات مجاهد المصري
قلبي الطيب
.................
قلبي الطيب مبقاش طيب
ويتعلم كل قسااااااااوة
ولا لخاطر الناس هيطيب
عاش في حياته
عهده قريب
ينسى يسامح
عمره ماخيب
شاف في حياته
حاجات بتشيب
واتحملها بكل جسارة
حس فيها بكل مرارة
حتى حبيبه عليه بيعيب
اتحملت وقالوا الجاني
زودوا جرحي وقلبوا كياني
خلوا الحزن ف كل الحاني
لا ويقولوا قلبك طيب
طيب ما أنا هتعلم منكم
هتخاصموني راح اخاصمكم
تبعدوا عني هبعد عنكم
علمتوني اكون عدواني
قلبي الطيب راح يتحول
حتى الحب ماراح يتسول
هيرجع تاني احسن م الاول
خالي وعايش احلى زماني
قلبي الطيب كان بيداوي
كان من حبه يامه بكاني
مش هشتري خاطركم تاني
لأول مرة هبقي اناني
قلبي الطيب خلاص مش طيب
ولا لخاطر الناس هيطيب
..................................
كلماتي / مجاهد المصرى
Commentaires
Enregistrer un commentaire