فتاة الأحلام كلمات مجاهد المصري
فتاة الاحلام
.........
لما اتصعبت عليا
انى اشوفك ف الحقيقة
قلت انام يمكن تجينى
فى المنام
يمكن تكون ولو دقيقة
نمت على امل انى اشوفك
واكتب ديوانى بحروفك
وارسم عيونك بريشة
من دهب والوان خفيفة
لكن الظاهر ال استعصى
فى الحقيقة
صعب يجى فى منام
مجتيش وغبتى عنى
زى عادتك
كأنها مستعصية من
يوم ولادتك
انى اشوفك
والمسك واحس خوفك
واشوف عيونك
نظرة توصفلى شجونك
كان نفسى اتغطى بانفاسك
واوطى واحب راسك
انت ليه بتعذبينى
حتى الخيال مش عاوزه تجينى
عارف انك صعبة جدا
والوصول اليكى صعب
فيه مطب وراه مطب
ليه عاوزه توصلينى
انى العن كل حب
وادعى عليكى يكون
حالك هو حالى
وتذللى زى بسؤالى
لكن قلبى الضعيف
عليه مبتهونيش
قلبى المليان بالحب ليكى
صعب عليه يدعى عليكى
قلبى المشتاق لنظرة من عنيكى
ولمسة من ايديكى
بيدعى يارب يهدينى ويهديكى
....................
كلماتى /مجاهد المصرى
Commentaires
Enregistrer un commentaire