عارفك يا دنيا غداره كلمات محمد ابو الحسن

عارفك يادنيا غدّاره 

        ومالٍكش أمان

وإللى مِتعلّق بيكٍ متعلّق     

       فى حبال دايبه

         ومُش دريان

 وعُمرٍك مابتستُرى حيِّك

  والمتغطِّى بيكٍ عٍريان

     لابتغيثى الملهُوف

   ولاتستُرى المكشُوف

   ولابتسدِّى بُق جعان

    يادنيا فيكٍ العجب

     وباينه من العنوان

    وضربوا بيكّ المثل

   جدُودنا بتُوع زمان

     كل يوم فى حاله

    خاينه مالِكش أمان

   يااللِّى حملت الأمانه

     ورضِيت بالهوان

  ظلمت نفسك ياجاهل

  وعلشان كِده تستاهل

       إلهم والأحزان

     كنت خليك ناصح

      زى السماوالأرض

     طِلعُوا أذكَى مِنّك

 ولِتنِين رفضوا العرض

         ،،،،وقالوا ،،،،،

    مانستحمِلش يارب

      مسكين ياإنسان

  عايش فى دنيا فانيه

  الكسبان فيها خسران

      يادنيا إيه العمل

      وطبعك كل بان

  نسيب الجمل بماحمل

   ونغور فى أى مكان

      ولاهتبرِّى بينا

   وتعاملينا بالإحسان

محمدابوالحسن